كلمات عبد الرحمن الابنودي
الحان محمود طلعت
كلمات الاغنيه
شايل همومك وسارح في بلاد الله
تقلت حمولك وخفاف الحمول الله
لو النهار أنصفك الليل مخبيلك
كأنه لا يعرفك ولا كان في يوم ليلك
ومن بلاد لبلاد ومن عباد لعباد
دنيا الفرح والحزن مالهمش فيها معاد
اللي في نصيبك يصيبك شمس أو ضلة
سايق عليكي النبي تبتسمي يا أيام
لا تكلمي في القلوب ولا تقولي كام
إحنا هودناكي روحنا معاكي وآدينا واقفين
في آخر الطريق علااااااامة استفهام
ومن بلاد لبلاد ومن عباد لعباد
دنيا الفرح والحزن مالهمش فيها معاد
فاصبر مع الصابرين على الحلوة والمُرة
واصبر على الظالمين لكل يوم بكرة
متسألوش الغريب عن سر سكناته
سيبوه يسافر مع همه لوحده بعيد
قاعد في ضل الحيطان قطر الزمن فاتو
ودا قطر لا له محطة ولا يجي بمواعيد
ومن بلاد لبلاد ومن عباد لعباد
دنيا الفرح والحزن مالهمش فيها معاد
للتحميل
للاستماع
0 التعليقات:
إرسال تعليق