RSS
‏إظهار الرسائل ذات التسميات امير عبد المجيد. إظهار كافة الرسائل
‏إظهار الرسائل ذات التسميات امير عبد المجيد. إظهار كافة الرسائل

يتيم



يتيم

كلمات وائل هلال

ألحان أمير عبد المجيد

كلمات الأغنيه

يتيم وكنت أبا لليتيم

فقير و فيض العطاء عظيم

دثارك في البرد دفء و شمس

و ظلك أضحى علينا رحيم

إذا القهر أدمى تكون خلاصا

و تبريء كل فؤاد كليم

حباك الإله بنور تجلى

ففر من الكون ليل بهيم


للتحميل





للاستماع




  • Digg
  • Del.icio.us
  • StumbleUpon
  • Reddit
  • RSS

قمر يافا



 قمر يافا

كلمات عبد الرحمن الابنودي

الحان اميرعبد المجيد

توزيع احمد مصطفي

كلمات الاغنيه

لسه ما شبعتش طوافة ؟

ياللي بتطوف من سنين

يا قمر مولود في يافا

واتقتل في دير ياسين

لسه ما كرهت الليالي ؟

لسه ما شبعتش مشاهدة؟

يا قمر حالك كحالي

اه واحده ودمعه واحده

يا قمر هدوا قبورنا

واستباحوا اللي ف صدورنا

دمروا قلوبنا ودرورنا

حقنا أصبح خرافة

وضعت يا بلدي الأمين

يا قمر مولود في يافا

تترمي في دير ياسين

ع الزاتون والبرتقالة

ارمي ضياتك أمانة

احنا يكرهنا اللي خاين

واحنا .. تكرهنا الخيانة

يا قمر..

وغيوم بتحجب

دمنا .. لما يسرسب

دنيا .. تحترم اللي يغلب

حتى لو شيطان لعين.

لسه ما شبعتش طوافة

ياللي بتطوف من سنين

يا قمر

بشَّر في "يافا"

واتصلب حتى فى جنين

صرختي بتموت في همسي

ليتني ما غادرت أمسي

ليتني ما صاحبت نفسي

ليتني ضميت خوامسي

يوم ما أقسمت اليمين

حقنا أصبح خرافة

ضعت يا بلدي الأمين

يا قمر تصعد في يافا

اتقاتلنا في دير ياسين

يا قمر وانت المناره

الف وجه لالف حاره

انت اطفال الحجاره

يا قمر اغضب بحده

انتفاضه مالها رده

زى ما فى يافا واحده

واحده برضك دير ياسين

لسه ما شبعتش طوافة ؟

ياللي بتطوف من سنين

يا قمر مولود في يافا

واتقتل في دير ياسين


للتحميل




للاستماع



  • Digg
  • Del.icio.us
  • StumbleUpon
  • Reddit
  • RSS

الحاره الفلسطينيه



الحاره الفلسطينيه

كلمات عبد الرحمن الابنودي

الحان اميرعبد المجيد

توزيع احمد مصطفي

كلمات الاغنيه

شوف كم سنة عدت وانا صاحي

اسم بلادي هو سلاحي

والثورة بتظهر صباحي

في الحارة الفلسطينية

الف سلامه

يا علمي اللي ظلموك ياما

حتى الدنيا ليها قيامة

في الحارة الفلسطينية

أعلامي سودا من الهم

أعلامي حمرا ودا دم

في الاكفان البيض نتلم

من الحارة الفلسطينية

يا سلالم طالعة

يا ثوارها

اجسادنا سلم لقمرها

الاطفال خلعت اعمارها

في الحارة الفلسطينية

الثورة ضد الصهيوني

هي عقلي وهي جنوني

واتقهقر لما يردوني

للحارة الفلسطينية

يا حجارتي

لسلاح الواطي

يا قنابل

يا رصاص مطاطي

انا ماشي معدول

وسراطي

الحارة الفلسطينية

انا بادي وفي يدي حجارة

وجهنم اولها شرارة

الوعي اللي كانه بشارة

من الحارة الفلسطينية

انا ثورة وسبنالكو الدولة

بتقولي لا قوة ولا حول؟

اهو لينا شرف المحاولة

في الحارة الفلسطينية

في الحارة الفلسطينية

الحارة فلسطينية

انا اعلى ما في صوتي

سكوتي

واحلى حياة بعشقها

موتي

انا ارضي وجوي وملكوتي

الحارة الفلسطينية

للتحميل




للاستماع



  • Digg
  • Del.icio.us
  • StumbleUpon
  • Reddit
  • RSS

صبرا فلسطين


صبرا فلسطين

كلمات عمر بطيشه

الحان امير عبد المجيد

كلمات الاغنيه

صبرا فلسطين اثبتي فالفجر آت

الليل طال فواصلي هذا الثبات

فالفجر يجلو كل ليل في الليالي المضنيات

ولا نرضي الهوان

فالقدس تبقي قدسنا طول الزمان

هانحن رغم الليل اقسمنا اليمين

ان نستعيد القدس والاقصي السجين

صبرا فلسطين اثبتي

صبرا فلسطين اثبتي للمعتدين

يا مسجد الأقصى نداء الحق فيك

من ذاك يسكت صوت رب يصطفيك

معراجه يوم ارتقى محمد فى المرتقى

قسما ستبقى طاهرا من أى رجس يعتريك

واستبشروا فالفجر آت رغم أنف الغاصبين

صبرا فلسطين اصمدى للمعتدين

يا قدس لا تأسي

ولدت فلسطين تحدي وفداء

ضربت بايدي مؤمنه

كسرت قيود مزمنه

شهداؤها احياء عند الله ابد الابدين

في كل ارض بوركت من بيت لحم لجنين

فاستبشروا رغم انف الغاصبين

للتحميل




للاستماع

  • Digg
  • Del.icio.us
  • StumbleUpon
  • Reddit
  • RSS

ولا تحلي الايام




ولا تحلي الايام

كلمات  ناصر رشوان

الحان امير عبد المجيد
 
كلمات الاغنيه

ولا تحلي الايام غير بيكي

ولا أسهر الا في لياليكي

يا نسيم م الجنه انا اتمني

اتمني و احقق امانيكي

انا عاشق ومنايا هواكي

ولا هافرح الا وانا معاكي

يا ما عشت ليالي استناكي

واستني الاحلام في عنيكي

انا مغرم وزماني رماني

ولا قبلك ولا بعدك تاني

يا مسافره ف روحي ووجداني

دا انا عمري اللي مسافر فيكي

ولا تحلي الايام غير بيكي

ولا نسهر الا في لياليكي

يا نسيم م الجنه انا اتمني

اتمني وانا احقق امانيكي


للتحميل


للاستماع

  • Digg
  • Del.icio.us
  • StumbleUpon
  • Reddit
  • RSS

من الآخر




من الآخر

كلمات وائل هلال

الحان امير عبد المجيد

توزيع امير عبد المجيد

كلمات الاغنيه

من الآخر بحبك زي ما تكوني

وللآخر هاشيلك جوا في عيوني

وعارف اني مش اول حبيب ليكي

ولكن شرطي اكون اخر

من الآخر

من الآخر انا عارف اكيد في الدنيا بنجرب

ساعات نتعب ساعات نحتار

ساعات بنحن ونقرب

ساعات  نتعب  وبنكابر

من الآخر

من الآخر وانا لوحدي

باحس بغربتي اكتر

ولكن وانتي ويايا

بلاقي نفس متغير

من الاول وللاخر

من الآخر


للتحميل




للاستماع




  • Digg
  • Del.icio.us
  • StumbleUpon
  • Reddit
  • RSS

صَفُّونا




صَفُّونا 

كلمات صلاح عبد الصبور

الحان امير عبد المجيد

كلمات الاغنيه

صَفُّونا .. صفّاً .. صفّاً

الأجهرُ صوتاً والأطول وضعوه فى الصَّفِّ الأول

ذو الصوت الخافت والمتوانى وضعوه فى الصف الثانى

أعطوا كُلاً منا ديناراً من ذهب قانى برَّاقا لم تلمسه كفٌ من قبل

قالوا : صيحوا .. زنديقٌ كافر

صحنا : زنديقٌ .. كافر

قالوا : صيحوا ، فليُقتل أنَّا نحمل دمه فى رقبتنا

فليُقتل أنا نحمل دمه فى رقبتنا

قالوا : امضو فمضينا

الأجهرُ صوتاً والأطول يمضى فى الصَّفِّ الأول

ذو الصوت الخافت والمتوانى

يمضى فى الصَّفِّ الثانى

للتحميل


للاستماع

  • Digg
  • Del.icio.us
  • StumbleUpon
  • Reddit
  • RSS

رمضان كريم



 
رمضان كريم


كلمات ناصر رشوان

الحان امير عبد المجيد

توزيع امير عبد المجيد
 

كلمات الاغنيه

الله

يا كريم

رمضان

رمضان كريم الله اكرم

ندهه ادان

مغربه ارحم

دا النسمه بتهفف وتفوت

برد وسلام

علي من اسلم

رمضان

رمضان كريم

الله اكرم

رمضان وحسن الشيخ رفعت

النقشبندي صدي الكروان

يا مصر يا مأمنه

برفعه المصطفي وحفظه القرأن

يا مطمئنه بأل البيت

انا يا حسين

زرت وصليت

شاهدت نور النبي وبكيت

اطعمني اكرم من اطعم

رمضان كريم

الله اكرم

رمضان وصلوات التراويح

وخلق سمحه بتدعي الله

وقلب دايب م التسابيح

مصابيح تنور للي هداه

يا مصر

يا مرسي الحيران

يا حته م الجنه في رمضان

رمضان كريم

ابن الانسان

بيدعي للاسم الاعظم

رمضان كريم

الله اكرم

ندهه ادان مغربه ارحم


للتحميل


للاستماع

  • Digg
  • Del.icio.us
  • StumbleUpon
  • Reddit
  • RSS

حكيم روحاني


حكيم روحاني

كلمات بهاء جاهين

الحان امير عبد المجيد

كلمات الاغنيه

مش تعرف تقرا اللي في قلبي

وعنيا اللي تحت حواجبي

- ابدا ولا حتي اعرف اقرا

- هندي ولا سندي ولا عربي

ازاي بقي؟

مش فاكر لما في عياده سامي

- هههه دي كانت خمه

-لا حكيم روحاني ولا بيطري مالك مهتمه؟

- صدقتي يا سازجه تهريجي

- كنا بنتسلي علي ما يجي

ايه دخل سامي في موضوعنا؟

- فيه ايه غيره بيجمع بنا؟


ولا حاجه

- طبعا وده معروف

- اسئلتك دي مالهاش معني

طيب انا سازجه انا هبله

ايه رأيك نرجع نتسلي؟

- مش فاضي

علشان خاطر فيفي

- وافقت خلاص عشان خاطر سامي

- علي شرط ابحلقك علي كيفي في عيونك

- وانظر واتملي

- في عيونك سحر يودي النار

- بس السرحان فيهم جنه

- في عيونك عفرته واستهتار

- ناويه علي خراب مين احفظنا؟

كداب مش ده اللي في ضميري

- في ضميرك خطه لتدميري

سازج مخدوع نظرك شيش بيش

وحكيم روحاني درجه

ازاي سايبينك تاكل عيش

بصي في قلبي  انا مش قلبك

في عيوني انا مش في مرايتك

- انا شايف حاجه لكن خايف

- لأ لأ لأ انا مش شايف

اه يا مسكين محتاج فيتامين

لا عيون فاهم ولا شفايف

وشايفني

- شخص يهمك

صح وبعدين

- شاغل قلبك

وده موجود فين؟

- علمي علمك

كل ده يا طبيبي ومش عارف

ركز بقي وما تتعبنيش

قولي الشخص ده موجود هنا

- ازاي وفي الاوضه مافيش

- غير احنا بس لوحدنا

انت شارب حاجه؟

- بالطبع لأ

اصحالي هنا وحياه والدك

حط في عينك قطره قويه

ده اللي انت كاتمه في قلبي

نفس اللي قلبك ليا


للتحميل


حكيم روحاني


للاستماع

  • Digg
  • Del.icio.us
  • StumbleUpon
  • Reddit
  • RSS

زلزال



زلزال

كلمات بهاء جاهين

الحان امير عبد المجيد

كلمات الاغنيه

زلزال

وهزه ارضيه سماويه

زلزال

ورجه قلبيه غراميه

زلزال

قلبي الحجر هزه الوتر

اتفجرت من قسوته الميه

تنشق عن شلال

زلزال

الارض تحتي بتترعش

جناحات طيور اوتار جيتار

وبيتحسب وبيتنقش

وبيتوشم اسمك في نار

في قلبي ياما سفر

م الحب والاشعار

قلبي في ضل القمر

والزهره لي نهار

وعطرها قتال


للتحميل


زلزال


للاستماع

  • Digg
  • Del.icio.us
  • StumbleUpon
  • Reddit
  • RSS

يا واصل السما



يا واصل السما

كلمات ناصر رشوان

الحان امير عبد المجيد

توزيع امير عبد المجيد

كلمات الاغنيه


يا واصل السما

يارب بارضها

خللي قلوب قريبه

عند بعضها

اوصلنا بالحبايب

بالغايب واللي حاضر

واحفظها من القساوه

واكفينا شرها

خلينا يارب لمه

واكفينا كل غمه

واجمعنا ع المحبه

في الجنه وسعدها

يارب

للتحميل


يا واصل السما


للاستماع



  • Digg
  • Del.icio.us
  • StumbleUpon
  • Reddit
  • RSS

يا كاشف الغمه



يا كاشف الغمه

كلمات ناصر رشوان

الحان امير عبد المجيد

كلمات الاغنيه

ادعوك في كل طريق

يارب يا وهاب

تفرجها ع المخاليق

من اوسع الابواب

يا كاشف الغمه

افرجها ع المحروم

افرجها ع الامه

وافرجها ع المغموم

افرجها ع الانسان

يا حي يا منان

بانده وانا عطشان

قادر تبل الريق

وتسبب الاسباب

ادعوك في كل طريق

يا معطي يا وهاب

تفرجه ع المخاليق

من اوسع الابواب

للتحميل

للاستماع 



  • Digg
  • Del.icio.us
  • StumbleUpon
  • Reddit
  • RSS

ينبوع


ينبوع

كلمات صلاح جاهين

الحان امير عبد المجيد

رباعيات امير عبد المجيد

كلمات الرباعيه

ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!


للتحميل


ينبوع


للاستماع

  • Digg
  • Del.icio.us
  • StumbleUpon
  • Reddit
  • RSS

سـنوات وفايته عليـا



سـنوات  وفايته عليـا 

كلمات صلاح جاهين

الحان امير عبد المجيد

 
كلمات الاغنيه

سـنوات  وفايته عليـا  فـوج  بعـد  فـوج

واحـدة  خـدتنى   إبـن  والتـانية    زوج

والتـالتـة  أب   خـدتنى   والـرابعة  إيـه

إيه يعمـل  إللى  بيحدفـه  مـوج  لمـوج ؟


للتحميل




للاستماع


  • Digg
  • Del.icio.us
  • StumbleUpon
  • Reddit
  • RSS

احب اعيش في الغابات


أحب اعيش في الغابات

كلمات صلاح جاهين

الحان امير عبد المجيد

رباعيات امير عبد المجيد

كلمات الرباعيه

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!


للتحميل


احب اعيش في الغابات


للاستماع

  • Digg
  • Del.icio.us
  • StumbleUpon
  • Reddit
  • RSS

علي رجلي دم


علي رجلي دم

كلمات صلاح جاهين

الحان امير عبد المجيد

 
كلمات الاغنيه

علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم ... قتلت ؟ ..... والا اتقتلت


للتحميل




للاستماع



  • Digg
  • Del.icio.us
  • StumbleUpon
  • Reddit
  • RSS

Popular Posts