كام ليلة فاتت علينا
كلمات سيد حجاب
الحان عمار الشريعي
كلمات الاغنيه
كام ليلة فاتت علينا وكام نهار فاتوا
والهم والحلم ذاتهم والضلام ذاته
كام شمس ضوت علينا وكام قمر ضوا
والدرب يتلوا واللى بناسه يتقوا
بيرسم الحلم ويقرب مسافاته
كام ليلة فاتت علينا وكام نهار فاتوا
ونقول لمين ياما قلنا .. بس مين يسمع
مش كل شىء له بريق ..دهب ولو يلمع
ولو انكتم صوتنا خوف ورياء نموت احياء
والاهل لو يظلموا بعض الغريب يطمع
ونتوه فى زحمة زماننا وفى سخافاته
كام ليلة فاتت علينا وكام نهار فاتوا
ياعابر الدهر سيب بينا اثر قدمك
واياك تكون امعة وجودك شبه عدمك
وان قلت وانا مالى حاتقول بكرة ضاع مالى
وساعتها لا حاينفعك اصلك ولا ندمك
وتدور تلملم رماد الحلم ورفاته
كام ليلة فاتت علينا وكام نهار فاتوا
للتحميل
للاستماع
0 التعليقات:
إرسال تعليق