ماتسألوش عنى
كلمات عبد الرحمن الابنودي
الحان ميشيل المصري
كلمات الاغنيه
ماتسألوش عنى إذا طال الغياب
ولا تعتبوش لو آن أوان العتاب
من قبل ما عرفت الحياة
القلب داب والشعر شاب
والدنيا أفتح باب ترد فى وشى باب
ياليل ده شيىء مش سهل إلا فراق الأهل
ياليل طفيت الأمل
ياليل قتلت النهار
وأنا سكنت الجبل لما رمتنى الديار
ماتسألوش عنى إذا طال الغياب ولا تعتبوش لو آن أوان العتاب
بتفنطينا يا دنيا وتلمينا بتفرقينا
تبعترينا وتلعبى بينا
وتكسبينا وتخسيرنا
تبينينا يا دنيا وتخبينا
إنتى الإيدين وإحنا إحنا ورق كوتشينة
وياليل طفيت الامل
ياليل قتلت النهار وقوللى ايه العمل ويا طريد الديار
اه يا زمن تلعب ملعب بتتملعب
وعامل قلبنا ملعب فيه الهموم ترمح ولا تتعب
وننصب الدور وانت بادى بغش
من قبل ما نرمى الورق بتقش
ياللى لعبتى بيا من يومى كنتى العروسة وكنت انا الكومى
لومى يا دنيا ع الغريب لومى مانا إشتريت الحزن بالاحباب
وياليل طفيت الامل
ياليل قتلت النهار
وانا سكنت الجبل لما رمتنى الديار
للتحميل
ماتسألوش عنى
للاستماع
0 التعليقات:
إرسال تعليق