يا مصري
كلمات: سيد حجاب
ألحان: ياسر عبد الرحمن
توزيع: ياسر عبد الرحمن
كلمات الاغنيه
يا مصري ليه دنياك لخابيط
و الغلب محيط
و العنكبوت عشش على الحيط
و سرح على الغيط
يا مصري قوم هش الوطاويط
كفياك تبليط
صعبة الحياه و الحل بسيط
حبة تخطيط
فتحت باب استيرادك و صرفت فوق ضعف ايرادك
حلي للخواجة استكرادك
سابك بتقرا في اورادك
ودا اشطك و نزل تشفيط
و مهولاتي تحب تزيط
ساعة الفرح زغاريط تنطيط
و في المياتم هات يا صويت
و في المظاهرات سخن تشيط
و في الانتخاب تنسى التصويت
و ليه بترشي و تتساهل
و تضيع حقوقك بالساهل
تستاهل النار تستاهل
يا غويط بيحسبك الجاهل
ساهل و ساهي و غبي وعبيط
يا مصري ياللي الغلا عصرك
و النهب في عصرك حاصدك
قوم للحياه و اسبق عصرك
و لا حاجة حترجع مصرك
الا ان تكون شغال و نشيط
يا مصري قوم هش الوطاويط
كفياك تبليط
صعبة الحياه و الحل بسيط
حبة تخطيط
للتحميل
يا مصري
للاستماع
0 التعليقات:
إرسال تعليق