المسيره
كلمات احمد حداد
الحان احمد شعتوت
توزيع احمد شعتوت
كلمات الاغنيه
ارفعي يا حرة راسك
انتي أشرف م اللي داسك
علّي يا حرة الهتاف
علمتيني ابطل أخاف
عَرض كل المصريات
خط احمر يا حضرات
اه يا حرة اه يا حرة
انتي ثورة جوا ثورة
يا بنات يا بنات
غيروا كل اللي فات
البنات طالبين قصاص
مش أسف ني وخلاص
المحاكمة المحاكمة
للديابة اللي هاجمة
بنت مصر هي مصر
حرة وعينها ضد الكسر
يااللى ماشية فى المسيرة
تسمحيلى أنحني لك
وأقف تحية
لجدعنتك وأغنيلك
يا ريحة الحرية
يا صحوة الصبح وكلام المغربية
يا وردة بلدي صاحية
تقول لا للمحاكمه للعسكرية
تسمحي أحبك يا مصرية
يا طيبة وعنيدة
يا حرة يا شهيدة
غضبك قصيدة جديدة
وضحكتك أغنية
ماحلى الغنا للجدعنة والجسارة
سَلمى ومُنى ومنال ونوارة
وسناء وفيفيان وسامية
وتريز وفاطمة وأميرة
لو عيون البعدا عميا
قلوبنا احنا بصيرة
نزلت بناتنا المسيرة
رافعين علمنا لفوق
والشمس فوق الضفيرة
أمرت عيونا تفوق
شوف الفقيرة الغنية
شوف العجوزة الصبية
بنت البلد فى المسيرة
الهادية والثورجية
من جديد الثورة جاية
على إيد بنات فى المسيرة
للتحميل
للاستماع
0 التعليقات:
إرسال تعليق