ما بلاش
كلمات سيد حجاب
الحان بليغ حمدي
توزيع عماد الشاروني
كلمات الاغنيه
ما بلاش نكدب على روحنا
ويضيع عمرنا ببلاش
هنزود ليه فى جروحنا
بحاجات ما بنقصدهاش
ما بلاش نتعب بعضينا
خلينا نعيش ليالينا
واما الايام تدينا فرحة
ما نضيعهاش
مالناش غير بعض يا روحي
عن بعض ما نستغناش
طب ليه تبعدى وتروحي
لبلاد ما بنعرفهاش
بتقولي هترجعي تاني
ويروق وياكي زماني
ليه متعلق بأماني
يمكن مانحققهاش
ما بقاش فى حاجة تساوي
نبعد عن بعض كتير
لا انا غاوي دموع ولا غاوي
زهد وحيرة وتفكير
خليكي هنا وخلينا
نكبر سوى مع بعضينا
ده احنا ان بعدت اراضينا
الشوق ما بيرحمناش
ما فيناش فرقة استكفينا
الايام ما بتستناش
ان راحت من ايادينا
ابداً ما نعوضهاش
هو اللى نقوله نعيده
حبنا عمره ما هيفيده
تعب القلب وتنهيده
ده احنا لسه ما عشناش
للتحميل
ما بلاش
للاستماع
0 التعليقات:
إرسال تعليق