الدكاكين
كلمات عصام عبدالله
الحان محمد الشيخ
كلمات الاغنيه
كانت الوان الناس
والعربيات والدكاكين
بتغطى اللوحه المجروحه
المرسومه فى قلبك
كنت بشوفك تمشى
فى قلب الشارع وحدك
بين الزحام والالوان
كنت بحس انك ناسيه
ناسيه الحب المسكين
من زحمة الوان الناس
والعربيات والدكاكين
تنفض الناس والعربيات
وتنام الدكاكين
تسقط من صدر اللوحه الوان
كانت بتغطى الحته المجروحه
والاقيكى تحت فانوس
دبلان الضى
قاعده لوحدك تبكى
على الماضى والحاضر
والجاى
وبحبك ايوه بحبك
واحلفلك انى بحبك
رغم اننا عارف انك
من الم الجرح فى قلبك
بقى كل العالم عندك
عالم كداب
ووعوده سراب
لكنى الف بحبك
واحلفلك انى حاحبك
وحيجى اليوم واثبتلك
انى راسملك
لوحه فى قلبى
بلون وحنين
غير الوان الناس
والعربيات والدكاكين
للتحميل
للاستماع
0 التعليقات:
إرسال تعليق