عجبي
كلمات صلاح جاهين
الحان سيد مكاوي
كلمات الرباعيه
عجبى عجبى اه
عجبى
عجبى عليك عجبى عليك يا زمن
يا ابو البدع
يا مبكى عينى دماَ
ازاى انا اختار لروحى طريق
و انا اللى داخل فى الحياه مرغماً
عجبى
حاسب من الاحزان و حاسب لها حاسب على رقابيك من حبلها
حاسب من الاحزان و حاسب لها حاسب على رقابيك من حبلها
راح تنتهى و لابد راح تنتهى مش انتهت احزان من قبلها
عجبى
مرغم عليك يا صبح مغصوب يا ليل
لادخلتها برجليه ولا كان لى ميل
شايلنى شيل دخلت انا فى الحياه
و بكره هخرج منها شايلنى شيل
عجبى
ياسك و صبرك بين ايديك و انت حر
تياس ما تياس الحياه راح تمر
ياسك و صبرك بين ايديك و انت حر
تياس ما تياس الحياه راح تمر
انا دقت من ده و من ده عجبى
لقيت الصبر مر و بردك الياس مر
عجبي
يا باب أيا مقفول إمتى الدخول
صبرت ياما و اللي يصبر ينول
دقيت سنين و الرد يرجع لي مين
لو كنت عارف مين أنا كنت أقول
عجبى
للتحميل
للاستماع
0 التعليقات:
إرسال تعليق